Zëvendësministri i Mjedisit, Planifikimit Hapësinor dhe Infrastrukturës, Hysen Durmishi ka njoftuar se është ftuar në Prokurori Speciale për intervistë lidhur me nënshkrimin e kontratave për rrugën Prishtinë – Podujevë.
Me anë të një postimi në Facebook, ai u shpreh se i duket e pakuptimtë që të ftohet zëvendësministri në intervistim duke u bazuar në spekulimet e një operatori ekonomik, edhe pas vendimit të OSHP- së që siç tha ai, i jep të drejtë si autoritet kontraktues, shkruan Arbresh.info.
“Ankesa e atij operatori ekonomik është shpallur e pabazuar edhe me vendim.”, tha ai.
Ndër të tjera, Durmishi tha se rastet të cilat ai i ka dërguar në Prokurori Speciale e Polici po zvarriten
“Sa e sa raste kam dërguar në prokurori speciale, prokurori themelore e polici të krimeve ekonomike dhe asnjë deri më tash nuk po trajtohet, përkundrazi zvarriten me vite e vite edhe pse ka fakte sa të duash për krim e korrupsion. Rasti i mirëmbajtjes së urave p.sh ku nga 500 mijë euro të planifikuara në fund kontrata përfundon në 5 milionë e 300 mijë euro. Nuk e di çfarë fakti tjetër i duhet prokurorit për të vepruar!”, u shpreh ai.
Zëvendësministri Durmishi mes të tjerash tha se do të shkojë në Prokurori Speciale për të ju treguar që është i lumtur që është nënshkrues i kontratave për rrugën Prishtinë – Podujevë.
“Do të doja që edhe projektet tjera të ecnin me dinamikën e punëve që po bëhen në këtë rrugë. Do të vazhdoj që t’a kryej punën time me nder e përkushtim pavarësisht pengesave që na dalin gjatë rrugës.”, shkroi mes të tjerash ai./Arbresh.info/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...